Волгоградтағы теракт: ҡорбандар күп.

Һуңғы мәғлүмәттәр буйынса, Волгоградтағы пассажир автобусы шартлау һөҙөмтәһендә, кәм тигәндә 5 кеше һәләк булған, 30-ҙан ашыу кеше тән йәрәхәттәре алған. Зыян күреүселәр хәстәхананың травматология һәм хирургия бүлектәренә килтерелгән, бында уларға кәрәкле ярҙам күрһәтелә. 8 кеше реанимацияла. Мәскәүҙән Волгоградҡа РФ-ның махсус медицина ҡорамалдары һәм медиктары менән ғәҙәттән тыш хәлдәр министрлығы самолеты юлға сығырға әҙерләнә.

Тәфтиш комитеты вәкиле белдереүенсә, автобуста үҙен-үҙе үлемгә дусар иткән ҡатынға беркетелгән ҡоролма шартлаған, ул боевиктарҙың береһе менән гражданлыҡ никахында торған. Өс статья- теракт, үлтереш һәм законһыҙ рәүештә ҡорал һатыу буйынса енәйәт эше асылған.