понедельник, 17 февраля 2014 г.

Мысырҙа сит ил туристары менән автобус шартлаған.


Мысырҙа, Израилгә яҡын сиктә, туристик автобустың шартлауы арҡаһында, 4 кеше һәләк булған. Уларҙың өсәүһе- Көньяҡ Корея граждандары, береһе- урындағы водитель. Байтаҡ кеше йәрәхәтләнгән, араларында бик ныҡ яраланыусылар ҙа бар. Ҡайһы бер мәғлүмәттәр буйынса, автобустағы пассажирҙарҙың барыһы ла Көньяҡ Корея граждандары.

Шартлау автобус сик буйындағы Таба ҡаласығында торғанда, Мысыр-Израиль сигенән 500 метрҙа яңғыраған. Хәбәр итеүҙәренсә, шартлатҡыс юл буйында урынлаштырылған булған. Әммә ҡайһы бер мәғлүмәттәр буйынса, тип билдәләй ИТАР-ТАСС, шартлатҡыс салон эсенә урынлаштырылған- асыҡланыуынса, автобус юлда бер нисә туҡталыш яһаған. Сиктең ике яғынан да медицина ярҙамы килгән.

Исламистар властан киткәне бирле, сит ил туристарына экстремистар Мысырҙа тәүге тапҡыр шулай һөжүм яһай.

Комментариев нет:

Отправка комментария