четверг, 29 мая 2014 г.

Пакистан: “намыҫ һаҡлап үлтереү.”


Пакистандың көнсығышындағы Лахор ҡалаһында 25 йәшлек йәш ҡатын Фәрзәнә Иҡбалды  таштар менән бәреп үлтергәндәр.  Суд бинаһына яҡын ғына булған был үлтерештә ҡатындың ғаилә ағзалары ла ҡатнашҡан.

Сәбәбе шунда: ҡыҙ, туғандарының фарманына буйһонмайынса, һөйгәненә кейәүгә сыҡҡан. Ҡыҙ ике туған ағаһына йәрәшелгән булған, ә кейәүгә икенсе кешегә сыҡҡан. Пакистан ғаиләләрендә иһә ҡыҙҙың үҙе теләп кейәүгә сығыуы ғаилә намыҫына тап төшөрөү тип иҫәпләнә.

Полиция үлтерештә ҡатнашҡандарҙың береһен- Фәрзәнәнең атаһын ҡулға алған. Ул ғорурлыҡ менән бының “намыҫ һаҡлап үлтереү” булыуы хаҡында белдергән, әйтеүенсә, ул шулай итеп кенә ғаилә намыҫын һаҡлап ҡала алған.


Халыҡ-ара хоҡуҡ һаҡлаусыларҙың мәғлүмәттәре буйынса, йыл һайын Пакистанда бындай үлтерешәрҙә мең самаһы ҡатын-ҡыҙ һәләк була.

Комментариев нет:

Отправить комментарий