понедельник, 9 июня 2014 г.

АҠШ Украинаға йәнә 48 миллион вәғәҙә итте.


Вашингтон Киевҡа, оборонаһын нығытыу өсөн, йәнә 48 миллион доллар вәғәҙә итте. Был турала АҠШ вице-президенты Джо Байден Украинаның дәүләт һәм хөкүмәт башлыҡтары Петр Порошенко һәм Арсений Яценюк менән осрашыу ваҡытында белдерҙе. Порошенко ярҙамдары өсөн АҠШ-ҡа рәхмәтен  һәм Америка- Украина хеҙмәттәшлеге артабан да үҫешер тигән өмөтөн белдерҙе. Байден иһә яңы президенттың парламенттағы телмәрен “тәьҫирле” тип атаны һәм тыныслыҡ инициативаларының тормошҡа ашырылыуын теләне.

Украинаның көнсығышындағы Краматорскиҙа Порошенконың вәғәҙәләренә ышанып бөтмәйҙәр:

“Хәҙер инде бигерәк тә Порошенко беҙгә юлдаш түгел, сөнки көнсығыш һәм көнбайыш (“Схид и Захид разом”)һис тә бергә була алмай. Көнсығыш һәм көнбайыштың бергә булыуы мөмкин булмаған эш. Атыусыларҙы, Краматорск халҡын үлтереүселәрҙе Киев яҡлап торғанда, көнсығыш һәм көнбайыш бергә (“Схид и Захид разом”)була алмай, бер нисек тә бергә була алмай.”

“Алда ни булыр- белмәйем, әлбиттә, яҡшыға өмөтләнәбеҙ, ә ҡалғанын инде белеп булмай.”

Украинаның көнсығышындағы көсөргәнешлелек кәмемәй, “террористарға ҡаршы операция”туҡтамай.


Шәмбе көн билдәһеҙ кешеләр Максим Птрухинды- Донецк халыҡ республикаһы лидерҙарының береһе Денис Пушилиндың ярҙамсыһын үлтергән. Бер версия буйынса, һөжүм Пушилиндың үҙенә йүнәлтелгән булған.

Комментариев нет:

Отправить комментарий