пятница, 26 декабря 2014 г.

Сәғүд Ғәрәбстаны: руль артына ултырған ҡатын-ҡыҙҙар өсөн трибунал.


Сәғүд Ғәрәбстанында автомобиль йөрөтөүҙе тыйыусы законды боҙған ике ҡатын терроризм эштәре менән шөғөлләнгән трибунал алдына баҫасаҡ.

Лужаин Хатлул 1 декабрҙә илгә Берләшкән Ғәрәп Әмирлектәренән инергә йыйынғанда ҡулға алынған. Уны ватандашы Майса Әл-Әмүди яҡлап сығырға ҡарар итә. Әл-Әмүдиҙы ла һаҡ аҫтына алалар.

Франс-Пресс билдәләүенсә, ҡатындарҙы социаль селтәрҙәге активлығы өсөн ҡулға алыуҙары мөмкин.


Сәғүд Ғәрәбстаны- ҡатын-ҡыҙҙарға автомобиль йөрөтөү тыйылған донъялағы берҙән-бер ил. Һуңғы ваҡыт илдәге бындай дискриминацияға ҡаршы акциялар көсәйҙе. Хәрәкәттең әүҙем ағзалары, ҡулға алыуҙарҙан ҡурҡмайынса, руль артына демонстратив рәүештә ултыра.

Комментариев нет:

Отправка комментария