Ливия: ҡунаҡханаға һөжүм- “Әл-Ҡаиҙә” башлығы үлеме өсөн үс алыу.

Һуңғы мәғлүмәттәр буйынса, 11 кеше Ливия баш ҡалаһы ҡунаҡханаһына яһалған һөжүм ҡорбаны булған. Ҡунаҡханала Ливия чиновниктары һәм сит ил дипломаттары, журналистары йәшәгән. Һәләк булыусылар араһында сит ил кешеләре- АҠШ, Франция, Көньяҡ Корея һәм Филиппин граждандары бар.

Һөжүм иртән була: тәүҙә тышта автомобиль шартлай; ығы-зығынан файҙаланып, террористар эскә береп инә һәм атыш башлай. Аҙаҡ боевиктар 24-се ҡатта нығынып ала; махсус хеҙмәттәр уратып алғас, улар үҙ-үҙҙәрен шартлата.

-Унда сумкаһына шартлатҡыс һалған ике кеше бар ине. Шуларҙың береһе мине эләктереп алды, әммә шартлау булманы. Икенсе әҙәмдең ҡоролмаһы шартланы,-тип һөйләй ҡунаҡхананың иҫән ҡалған һаҡсыһы.

Һөжүм өсөн яуаплылыҡты “Ислам дәүләте”нә ҡушылған Ливия төркөмө үҙ өҫтөнә алды. Экстремистар был һөжүмде йыл башында Нью-Йоркта судты көткәндә вафат булған “Әл-Ҡаиҙә” башлығы үлеме өсөн үс алыу”,- тип атаны.