пятница, 2 января 2015 г.

Израиль фәләстиндар менән Халыҡ-ара енәйәт судына ҡушылыу хаҡында бәхәсләшә.


Фәләстин автономияһы башлығы Мәхмүт Аббас, БМО Именлек советы Фәләстинды бойондороҡһоҙ дәүләт сифатында таныуҙан баш тартып бер тәүлек үткәндән һуң, халыҡ-ара 20 килешеүгә ҡул ҡуйҙы. Фәләстиндарҙы үҙ сафына алған ойошмаларҙың береһе- Халыҡ-ара енәйәт суды.

Израиль премьер-министры Биньямин Нетаньяху был хәлгә шундай комментарий бирҙе:

Халыҡ-ара енәйәт суды, беҙҙең уйыбыҙ буйынса, ике йөҙлө позицияһы өсөн, Фәләстин автономияһына теркәлергә ризалыҡ бирмәҫкә тейеш, Фәләстин -дәүләт түгел, “Хамас” террористары менән хеҙмәттәшлек иткән ойошма, ул хәрби енәйәттәр эшләй. Израиль иһә- юғары моралле армияһы булған, халыҡ-ара хоҡуҡтарға хөрмәт менән ҡараған, закон буйынса эш итеүсе ил.

Фәләстин позицияһы яғын Израиль менән һөйләшеүҙәрҙә Фәләстин делегацияһына етәкселек иткән Сәиб Эрекат белдерҙе:

Фәләстин- оккупацияланған дәүләт. Фәләстин беҙ ҡул ҡуйған бөтә резолюцияларҙағы һәм килешеүҙәрҙәге барса халыҡ-ара йөкләмәләрҙе үтәй. Беҙ Ядро ҡоралын таратмау тураһындағы килешеү, Халыҡ-ара енәйәт суды менән бергә бөтә халыҡ-ара институттарға инергә теләйбеҙ.”

Халыҡ-ара енәйәт суды геноцид мәсьәләләре һәм хәрби енәйәттәр буйынса ҡарар сығара. Израиль орган булараҡ милли суверенитеттарҙы сикләүсе бындай суд идеяһын ҡабул итмәүсе дәүләттәр иҫәбенә инә.



Комментариев нет:

Отправка комментария