вторник, 27 января 2015 г.

Гректар һәм француздар Испаниялағы авиаһәләкәттә вафат булған.



Кәм тигәндә, 10 кеше Испаниялағы Греция Хәрби Һауа көстәре истребителе һәләкәтендә ҡорбан булған.

Льянос авибазаһынан осоп киткәс тә, F-16 идара итеүҙе юғалтҡан һәм төрлө ил осоусылары һәм механиктары булған ангар өҫтөнә ҡолаған. Һәләк булыусылар араһында- ике грек пилоты һәм һигеҙ француз гражданы.

19 кеше төрлө кимәлдәге тән йәрәхәттәре алған.

-Һәммәһе лә бик тиҙ булды. Мин шуны ғына күрҙем: осоп киткәс тә, 10 метр бейеклеккә күтәрелеп, самолет уңға боролдо ла ҡолап шартланы,-ти был хәлдең шаһиты.

Грек һәм француз осоусылары НАТО пилот-истребителдәренең квалификацияһын күтәреү программаһы сиктәрендә Испанияла булған.

Истребитель ярсыҡтары һәм янғын ерҙәге йәнә бер нисә хәрби машинаға зыян килтергән.

Хәҙер авибаза уратып алынған: унда ҡотҡарыусылар һәм янғын һүндереүселәр эшләй, тәфтишселәр һәләкәт сәбәптәрен асыҡларға маташа.


Комментариев нет:

Отправить комментарий