суббота, 7 февраля 2015 г.

Маккейн Украинаның кассета бомбалары ҡулланыуында АҠШ-тың ғәйебен өлөшләтә таныны.


АҠШ Конгрессы сенатының ҡораллы көстәр буйынса комитет рәйесе республиканлы Джон Маккейн Украинаның тыйылған кассета бомбалары ҡулланыуында АҠШ-тың ғәйебен өлөшләтә таныны.

Әгәр уларға кәрәкле ҡоралды биргән булһаҡ, уларға кассета бомбалары ҡулланырға тура килмәҫ ине, тип уйлайым. Шуға күрә өлөшләтә был беҙҙең дә ғәйеп,”-тип белдерҙе Маккейн.

Хоҡуҡ һаҡлаусы Human Rights Watch ойошмаһы уҙған йылдың ноябрь айындағы докладында Донецк һәм Луганск халыҡ республикалары вәкилдәренең кешеләр йәшәгән райондарҙа Украина ғәскәрҙәренең кассета бомбаларын ҡулланыуы хаҡындағы белдереүен раҫланы. Ойошмала йәнә шуны ла өҫтәнеләр: Украина ғәскәрҙәре кассета бомбаларын Халыҡ-ара Ҡыҙыл тәре хеҙмәткәре һәләк булған 2014 йылдың 2 октябрендә Донецк ҡалаһын утҡа тотҡанда ла ҡулланған.

Ноябрҙә донъя күргән Украиналағы кеше хоҡуҡтарына бағышланған БМО докладында Украинаның көньяҡ-көнсығышында кассета бомбаларын ҡулланыу халыҡ-ара гуманитар хоҡуҡтарҙы боҙоу булып тороуы һәм бының хәрби енәйәт рәүешендә ҡаралыу мөмкинлеге хаҡында әйтелә.

2014 йылдың декабрендә Украина хөкүмәте Human Rights Watch ойошмаһына Донбасстың хәрби конфликт зонаһында кассета боеприпастарын ҡулланмауҙы тулыһынса гарантияланы.

2015 йылдың февралендә ОБСЕ Луганскиҙа кассета боеприпастары менән утҡа тотоуҙы теркәне.

Кассета боеприпасы төрлө тәғәйенләшле суббоеприпастар (миналар, бәләкәй бомбалар, һәләк итеүсе элементтар) тултырылған йоҡа тышлы контейнерҙан ғибәрәт. Атылғандан һуң, суббоеприпастар төрлө яҡҡа һибелә. Бөгөнгө көндә 108 дәүләт ҡоралдаң был төрөнән баш тартыу тураһындағы конвенцияға ҡул ҡуйҙы.




Комментариев нет:

Отправить комментарий