понедельник, 9 февраля 2015 г.

Женевала климаттың глобаль йылыныуына ҡаршы көрәш саралары хаҡында һөйләшеү бара.


Женевала глобаль йылыныуҙы контролдә тотоу төркөмөнөң 6 көнлөк осрашыуы башланды. Ул декабрҙә Парижда буласаҡ климаттың үҙгәреүенә бағышланған БМО-ның сираттағы конференцияһы алдынан үтә.

Ерҙәге уртаса йыллыҡ температураны күҙәтеү тарихында уҙған йыл иң эҫеһе булды. Женева осрашыуында рәйеслек итеүсе Перуҙың тирә-яҡ мөхитте һаҡлау министры Мануэль Пулгар-Видаль былай тип белдерҙе:

Был аҙнала беҙҙең алда яуаплы һәм амбициоз мәсьәлә тора. Эш барышында компромисс кәрәклеге хаҡында онотмауығыҙҙы һорайым. Беҙ барыбыҙ ҙа- бер команданың өлөшө. Беҙ ярышыусылар түгел, беҙ- бер команда һәм планета барыбыҙ өсөн дә берәү.”

Экологтар сәйәсмәндәргә Ерҙең глобаль йылыныуына хәүефләнеүҙәрен еткерергә тырыша: йылыныу артабан да дауам итһә, ошо быуат аҙағына планета температураһы 4-5 градусҡа күтәрелеүе һәм уның эҙемтәләре ҙур афәттәргә алып килеүе ихтимал.



Комментариев нет:

Отправить комментарий