2011
йылдың яҙындағы “Фукусима-1” АЭС-ындағы
һәләкәттән һуң, Япония энергетиктары
атом электростанцияһын ҡайтанан эшкә
ебәрҙе- шишәмбегә ҡаршы төндә Кюсю
утрауындағы “Сэндай” АЭС-ы эш башланы.
Әле беренсе энергблок эшкә тотондо,
әммә бер нисә көндән станция бөтә
ҡеүәтенә эшләй башлаясаҡ.
АЭС-тың
ҡайтанан эшләй башлауына халыҡ ҡаршы.
Япония властары аңлатыуынса, тыныс
атомға кире ҡайтыу ситтән яғыулыҡ
индереүҙе кәметергә мөмкинлек бирәсәк.
Тик ҡаршылыҡ акцияһына сығыусылар өсөн
был аргумент түгел:
“Реакторҙы
туҡтатырҙар тигән өмөттәмен. Кешеләрҙең
ғүмере һәм тирә-яҡ мөхитте һаҡлау
иҡтисадтан мөһимерәк.”
“Властар
һөйләгән АЭС-тың яңы эш стандарттары,
ер тетрәүҙәр йәки цунами була ҡалһа,
именлек планкаһын бик аҙ ғына күтәрә.
Асылда проекттың кәмселектәре күп.”
Ошоғаса
Япониялағы 48 атом реакторының барыһы
ла тик торҙо- “Фукусима”лағы һәләкәттән
һуң, уларҙы берәм-берәм туҡтаттылар.
Йәмәғәтселектең ҡаты тәнҡитенә
ҡарамаҫтан, ентекле тикшереүҙәрҙән һәм
станцияларҙы яңы именлек системалары
менән йыһазландырғандан һуң, 25 АЭС-ты
ҡайтанан эшкә ебәрергә ниәтләйҙәр.
Комментариев нет:
Отправить комментарий