понедельник, 5 октября 2015 г.

Үлемесле “Мучжигэ” диңгеҙ ҡойоно.


Кәм тигәндә 9 кеше Филиппин һәм көньяҡ Ҡытай өҫтөнән үткән үлемесле “Мучжигэ” диңгеҙ ҡойоно ҡорбаны булған, тиҫтәләрсәһе хәбәрһеҙ юғалған.

Көньяҡ Ҡытайҙың Гуандун провинцияһында тәбиғәт ҡазаһы 6 кешенең ғүмерен өҙгән, 200-ҙән ашыуы зыян күргән.

Ошо сезондың 22-сеһе булған “Мучжигэ” ҡойоно Ҡытайҙың Гуандун һәм Хайнань провинцияларына 4 октябрҙә ябырылған. Гуандун провинцияһының үҙәк һәм көнбайыш райондарында яуым-төшөм 100 мм самаһы булып киткән. Ел тиҙлеге -сәғәтенә 70 километр.

Хәүефле урындарҙан властар тиҫтәләрсә мең кешене эвакуациялаған. Балыҡсыларҙың 39 мең тирәһе карабы кире портҡа әйләнеп ҡайтҡан.


Гуанси-Чжуан автономиялы районында ла хәлдәр ҡатмарлы, бында диңгеҙ ҡойоно касафаты 870 мең кешегә ҡағылған.

Комментариев нет:

Отправить комментарий