пятница, 20 ноября 2015 г.

Моленбек халҡы үҙҙәренә йәбештерелгән “экстремизм ояһы” атамаһынан ҡотолорға теләй.


Брюсселдең Моленбек районы халҡы үҙ кварталының имиджын үҙгәртергә теләй- Париж теракттарынан һуң, коммуна исеме сығышы менән шунан булған Әбделхәмит Абаауд менән ассоциациялана башлаған.

Урындағы властар әйтеүенсә, күп кенә йәштәр- иммигрант балалары- атып үлтерелгән террорист юлына баҫыуы бик ихтимал:

-Абаауд социаль тәртиптәргә ҡаршы сығыусы нонконформист. Үҙ юлын таба алмаған, йәмғиәт менән конфликтта булған, ғәҙелһеҙлек тойған йәштәр өсөн дә был ят түгел,-ти социаль хеҙмәт хеҙмәткәре Оливье Вандерхаген.

Йәштәр араһында эшһеҙлек 37 процентҡа барып етә. “Моленбек әсәләре” ассоциацияһы күп һанлы ҡулға алыуҙар һәм киң мәғлүмәт сараларындағы шау-шыу арҡаһында коммунаны экстремизм символына әйләндерә барыуҙарын туҡтатырға ниәтләй.

-Беҙ ул картинаны үҙгәртергә теләр инек. Беҙ шуны күрһәтергә теләйбеҙ: Моленбекта күп төрлөлөк, демократик ҡиммәттәр һәм нормалар һаҡлана. Ҡатын-ҡыҙҙар балаларына һәйбәт белем бирергә, яҡшыраҡ киләсәккә юл асырға тырыша.
Ҡатын-ҡыҙҙар, Моленбек коммунаһының яҡшы исемен тергеҙеүҙә ярҙам һорап, Бельгияның эске эштәр министрына хат та яҙған.


 /Нонконформизм – йәмғиәттә, ниндәйҙер төркөмдә быуаттар буйы йәшәп килгән ҡанун, ҡағиҙәләргә ҡаршы сығыу һәм үҙ ҡарашыңды тәҡдим итеү./

Комментариев нет:

Отправка комментария