вторник, 1 декабря 2015 г.

Сәғүд Ғәрәбстаны: ҡатын-ҡыҙҙарға тәүге тапҡыр һайлауҙарҙа ҡатнашырға рөхсәт ителде.


Сәғүд Ғәрәбстаны ҡатын-ҡыҙҙары короллек тарихында тәүге тапҡыр урындағы һайлау органдары өсөн көрәшкә сыҡты һәм һайлаусылар сифатында ҡатнашырға ла хоҡуҡ алды. Декабрҙә үтәсәк һайлауҙарға 900 ҡатын-ҡыҙ үҙ кандидатураһын ҡуйҙы.

Шуларҙың береһе- Фәүзиә әл-Хәрби:

Беҙ һуңғы 10 йыл инде ошо мөмкинлекте көттөк,-ти Фәүзиә әл -Хәрби.-10 йыл буйы ҡатын-ҡыҙҙарыбыҙ илдең сәйәси һәм социаль ҡарарҙарын ҡабул итеү эшендә ҡатнашырға ынтылды. Ишек асылыу менән, ҡарарҙар ҡабул итеү эшендә ҡатнашыу хоҡуғынан файҙаланырға булдым.”

Әлбиттә, Фәүзиә әл-Хәрби тәү сиратта Әйүм Фахад һымаҡ ҡатын-ҡыҙҙар тауыш биреүенә өмөт бағлай.

Элек ир-ат менән аралашыу ауыр ине, хәҙер, ҡатын-ҡыҙҙар пәйҙә булғас, мин үтенестәрем хаҡында асыҡтан-асыҡ һөйләй аласаҡмын,-ти һайлаусы ҡатын.

Йөҙҙәрен асыу рөхсәт ителмәгән ҡатын-ҡыҙҙарҙың һәм ир-аттың шанстарын тигеҙләү өсөн, ирҙәргә лә һайлау алды плакаттарында фотоларын баҫтырыу тыйылды.


Комментариев нет:

Отправить комментарий