пятница, 5 февраля 2016 г.

Женева: БМО Джулиан Ассанжды ҡулға алыуҙы законһыҙ тип тапты.


Wikileaksҡа нигеҙ һалыусы Джулиан Ассанж законһыҙ рәүештә иректән мәхрүм итеү буйынса БМО-ның эшлекле төркөмө ултырышы алдынан, әгәр Британияға һәм Швецияға ҡаршы ялыуын 16 ай буйы ҡараған комиссия уның файҙаһына ҡарар сығармаһа, 5 февралдә, Эквадор илселегенән китеп, Британия полицияһына биреләсәге хаҡында белдергәйне.

БМО-ның 5 кешенән торған эксперттар төркөмө Ассанжды ҡулға алыуҙы законһыҙ тип тапты һәм Британия, Швеция властарын Ассанжды азат итергә саҡырҙы. Эксперттарҙың һығымталары абруйлы һәм халыҡ-ара хоҡуҡтарға нигеҙләнгән, әммә ул мотлаҡ үтәлергә тейеш тигән һүҙ түгел. Лондон һәм Стокгольм шуны аңғартты ла инде: Ассанжҡа ҡарата позицияһын улар үҙгәртергә йыйынмай.


Комментариев нет:

Отправить комментарий