Лимала Фухимориҙың власҡа кире ҡайтыуына ҡаршы акция уҙҙы.

Уның атаһы төрмәлә ултыра, башҡа ғаилә ағзалары Перуҙан күсеп киткән, шуға ҡарамаҫтан Кейко Фухимори һайлау алды компанияһының фавориты - президент һайлауҙарының икенсе туры йәкшәмбегә тәғәйенләнгән.

Шишәмбе көн меңдәрсә кеше, ваҡиғаларҙың бындай боролошона ризаһыҙлыҡ белдереп, Лима урамдарына сыҡты. “Демократияға- эйе, диктатураға- юҡ!” тип яҙылғайны уларҙың транспаранттарында.

“Беҙҙең хәтер яҡшы, беҙ Фухимори кланынының власҡа кире ҡайтыуына юл ҡуймаясаҡбыҙ!-ти Конгресс ағзаһы һәм һул “Киң фронт” башлығы Вероника Мендоса.- Балаларыбыҙҙың көс ҡулланыуҙар, коррупция һәм енәйәтселек сәскә атҡан илдә йәшәүен теләмәйбеҙ, ә Кейко Фухимори ханым былар менән көрәшеү өсөн һәләттәре лә, мораль хоҡуғы ла булмауын иҫбатланы.”

”Беҙ күрә алмаусанлыҡ булмаған илдә, тыныс, демократик һәм прогрессив дәүләттә йәшәргә теләйбеҙ,-тип өҫтәй демонстрацияла ҡатнашыусыларҙың береһе.-Бына шуның өсөн дә беҙ Кейкоға һәм Фухимори кланы ҡайтыуға “Юҡ!” тип әйтәбеҙ.”

Апрелдәге һайлауҙарҙың тәүге турында Кейко Фухимори - “Халыҡ көсө” уң үҙәк фирҡә рәйесе - тауыштарҙың 38 процентын йыйҙы. Икенсе урында - “Перуанлылар үҙгәрештәр яҡлы” яҡлы фирҡәһенән технократ Педро Кучински, уның өсөн һайлаусыларҙың 25,5 проценты тауыш биргән.

Илгә 1990-2000 йылдарҙа етәкселек иткән Альберто Фухимори, 2009 йылдың апрелендә кеше хоҡуҡтарын боҙоуҙа, шул иҫәптән “үлем эскадроны” төҙөүҙә һәм халыҡты көсләп стерилләүҙә ғәйепле тип табылып, 25 йылға иркенән мәхрүм ителде.