Венесуэла халҡы аҙыҡ-түлек артынан Колумбияға юл тота.

Венесуэланың 18 меңдән ашыу кешеһе, Колумбия сиген аша сығыу мөмкинлегенән файҙаланып, күрше илгә кәрәк-яраҡ алыу өсөн уҡталды.

Венесуэлала, ауыр көрсөк арҡаһында, бөтә нәмәгә ҡытлыҡ - айырыуса аҙыҡ-түлек һәм дарыуҙарға.

Сик буйы халҡы ғына түгел, махсус рәүештә килеүселәр ҙә был мөмкинлектән файҙаланып ҡалырға тырышты.

-Күпер аша яу булып килгән халыҡты күргәс, иланым. Үҙ күҙемә ышанмай торҙом: беҙҙә булмаған нәмәләрҙе алыр өсөн, әйтерһең, бөтә Венесуэла ошонда килгән. Беҙҙә ҡытлыҡ көндән-көн нығыраҡ һиҙелә.

Венесуэла властары уҙған йылдың авгусынан башлап тәүге тапҡыр сикте асты, 12 сәғәткә асылған был юлға “гуманитар канал” тигән исем таҡтылар.

-Беҙҙә булмаған аҙыҡ-түлек, дарыуҙарҙы алып һөйөндөк.

-Беҙҙә аҙыҡ-түлек, май, он юҡ, шуға күрә бында килергә тура килә.

Венесуэлалағы көрсөк, уға нефткә хаҡтар төшөү ҙә сәбәпсе булды, ике йыл дауам итә. Милли ассамблея февралдә аҙыҡ-түлек өлкәһендә ғәҙәттән тыш хәл хаҡында иғлан итте.

Яҙын көрсөк ҙур ҡаршылыҡ акциялары һәм тәртипһеҙлектәргә алып килгәйне.