суббота, 8 октября 2016 г.

Политковскаяның үлтерелеүенә 10 йыл булды – һөсләтеүселәр табылманы.


“Яңы гәзит” күҙәтеүсеһе Анна Политковскаяның үлтерелеүенә 10 йыл булды. Мәскәүҙәге редакция бинаһы алдында журналисты хәтерләү акцияһы үтте. “Яңы гәзит” баҫма хеҙмәткәрҙәре “видеопикеты” менән ролик сығарҙы. “Заказсы табылманы”- улар ҡулындағы йыш ҡабатланған плакат. Политковскаяны үҙ йорто подъезында терәп тигәндәй атып китәләр.

Галина Михалева, “Яблоко”: “ул үлгәндән бирле, 700 журналисҡа һөжүм яһалды, шуларҙың 57-һе һәләк булды. Был Рәсәйҙең фажиғәһе...халыҡҡа хаҡты еткерергә тейешле кешеләр туҡмала, үлтереш ҡорбандары була. Ул эштәрҙең осон да таба алмайҙар.”

Ике йыл элек был енәйәткә барыусылар һәм уны ойоштороусылар  төрмәгә ултыртылды. Ә уларҙың заказ биреүселәре табылманы, Левада-Үҙәк үткәргән һорашыуҙар буйынса, рәсәйлеләрҙең яртыһынан күберәге уларҙың табылыуына ышанмай.



Комментариев нет:

Отправить комментарий