понедельник, 31 октября 2016 г.

Модернизацияланған “Союз” Ергә ҡайтты.








“Союз”МС-01 аппараты Ҡазахстанға уңышлы килеп төштө.
Ергә өс кешенән – рәсәйле Анатолий Иванишин, американлы Кэтлин Рубинс һәм япон Такуя Онисиҙан торған экипаж ҡайтты. Йыһанда һәм Халыҡ-ара йыһан станцияһында улар 115 көн булды.

Улар Халыҡ-ара йыһан станцияһында ДНК секвенсорын һынап ҡараны: ул, мәҫәлән, станция һауаһындағы микробтар миҡдарын бик тиҙ билдәләй ала, ә был экипаж һәм йөктәрҙең даими әйләнеше арҡаһында актуаль мәсьәлә булып тора.
Бынан тыш экипаж “Боинг” һәм SpaceX эшләгән шәхси караптар – “йыһан таксиҙары” өсөн тоташтырыу быуыны урынлаштырҙы.

Әле Халыҡ-ара йыһан станцияһында рәсәйлеләр Андрей Борисенко, Сергей Рижиков һәм американлы Роберт Шейн Кимброу тороп ҡалды.

Бөгөн ҡайтҡан карап - “Союздың яңы модификацияһы, МС “модернизацияланған системалар” тигәнде аңлата. Караптың бөтә быуындары ла үҙгәреш кисергән. Йыһан ветеранының был һуңғы варианты булмаҡсы – уға алмашҡа әле эшләнеп ятҡан “Федерация” киләсәк.


Комментариев нет:

Отправить комментарий