Афина: бөтә Евроберләшмә хакерҙарҙы аулай.

Танкыларһыҙ, самолеттарһыҙ, әммә масштаблыраҡ күнегеүҙәр: Евроберләшмәнең өс йөҙҙән ашыу хөкүмәт, финанс, көс ведомстволары киберһөжүмде кире ҡағыуҙы имитациялай.

Белгестәр бер үк мәлдә төрлө илдәрҙә эшләй, ә штабтары - Афинала.

Хакер һөжүме уйындарының аныҡ параметрҙары йәшереп тотола. Шуныһы ғына билдәле: бер нисә ай әҙерләнгән ҙур һөжүм имитациялана.

-Киберһөжүмдәр - реаль нәмә. Банк иҫәптәрен дә, шәхси мәғлүмәттәрҙе лә урлайҙар - быларҙы беҙ матбуғатта күрәбеҙ. Һалым селтәрҙәренә һөжүмде лә күрҙек, 8-10 йыл элек Грузия һәм Эстонияла сәйәси һөжүмдәрҙе лә. Хәҙер иһә беҙ оборона тоторға әҙерләнәбеҙ,-ти ЕС-тың Селтәр һәм мәғлүмәт именлеге агенствоһы башҡарма директоры Удо Хелмбрехт.

Әлбиттә, селтәр киңлегендә именлекте тәьмин итеүгә һәр илдең үҙ алымдары бар. Күнегеүҙәрҙең бер бурысы иһә – берҙәм схема буйынса эш итергә өйрәнеү:

-Бюджетты һәм штатты мотлаҡи арттырыу кәрәк, ЕС илдәренән беҙ шул турала һорайбыҙ, сөнки беҙҙең шөғөл – Европаны тиҙ арала алдыбыҙға килеп баҫыуы ихтимал булған нәмәләргә әҙерләү,-тип хәбәр итте Агенствоның администрация башлығы Пауло Эмфадинас.

Афинанан хәбәрсебеҙ Акис Тацис бына нимә тип һөйләй:

-Европа киберенәйәттәргә ҡаршы ҡалҡан әҙерләй. Меңдән ашыу кеше Афинала һәм бөтә ҡитғала киберһөжүмдәрҙе кире ҡағырға йыйына. Улар йәһәт кенә ҡаршы тороуҙы, белем һәм нәтижәле хеҙмәттәшлек талап иткән процесты имитациялай.